منتدي الاطباء البيطريين
اهلاً و سهلاً بجميع الزائرين و الاعضاء من الاطباء البيطريين و كل الراغبين في الاشترلك في المنتدي *** نرحب بجميع الاعضاء و الزائريين من مصر و من جميع الدول العربية و يجب التسجيل بالمنتدي كي تظهر جميع اقسام المنتدي >>>>
Choose your Language
English= الانجليزية
French=  الفرنسية
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
المتواجدون الآن ؟
ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 177 بتاريخ الخميس أبريل 18, 2013 8:58 pm
لمن يريد الدعاية و الاعلان في هذا المنتدي

الجمعة أكتوبر 22, 2010 3:02 pm من طرف Admin

لمن يريد الدعاية و الاعلان في هذا المنتدي عليه الاتصال بالدكتور علاء عكاشة

ت
01227968156
lol!


شركات الادوية - المشاريع الخاصة البيطرية - العيادات البيطرية - معامل …


تعاليق: 2

المواضيع الأخيرة
» اطباء الارشاد جنود اوفياء لمهنتهم و لمصرنا الحبيبة
الخميس أكتوبر 06, 2016 6:08 pm من طرف د سناء

» وحدات سكنية بمشروع دار مصر للاطباء البيطريين
السبت أكتوبر 01, 2016 7:04 pm من طرف د سناء

» للنهوض بالثروة الحيوانية في مصر لابد أن : -
السبت أكتوبر 01, 2016 4:22 pm من طرف د علاء عكاشة

»  د عزة الحداد و شرح الذبح الآمن و طريقة حماية انفسنا من مرض انفلونزا الطيور
الخميس سبتمبر 29, 2016 3:30 pm من طرف هويدا

» بعض مقالات د علاء عكاشة عن الارشاد البيطري و موضوعات اخري
الإثنين سبتمبر 26, 2016 10:01 pm من طرف د رضا

» كيفية كتابة التقرير الطبي الشرعي + نموذج تقرير
السبت سبتمبر 10, 2016 7:43 pm من طرف د رضا

» الإرشاد البيطري و دورة في خدمة العمل البيطري و خدمة المجتمع
الأحد أغسطس 28, 2016 11:18 pm من طرف Admin

» كيف تقرأ لغة الجسد؟ 15 حقيقة يجب ان تعرفها عن قراءة لغة الجسد
الثلاثاء أغسطس 16, 2016 9:07 pm من طرف د رضا

» قوائم بأهم الأمراض الحيوانية في الممكلة العربية السعودية
الأربعاء أغسطس 10, 2016 11:40 pm من طرف د رضا

مواضيعي
زائر لوحة التحكم زائر 55
دخول

لقد نسيت كلمة السر

بحـث
 
 

نتائج البحث
 

 


Rechercher بحث متقدم

عدد الزائرين و اعلام بلادهم
https://www.facebook.com/vetext1/

D.Alla Okasha

حملة القضاء علي العمال والمعاونين البيطريين وادعياء المهنه

استعرض الموضوع السابق استعرض الموضوع التالي اذهب الى الأسفل

مشكوووووووووووور حملة القضاء علي العمال والمعاونين البيطريين وادعياء المهنه

مُساهمة من طرف mira.kareem في الخميس يناير 13, 2011 11:26 am

الحمله كتب تفاصيلها د/ محسن كرم على الفيس بوك ونقلت موضوعه هنا للفائده
لسلام عليكم ورحمة اللة وبركاتة

الرجاء قرائة الموضوع لأخره
عشان موضوع مهم والصراحه ايدي تورمت من الكتاااااااااابه طول الليل في الموضوع ده



وهذا الموضوع هانشره في كل المواقع والمنتديات البيطرية
ويكون مصدره الاساسي هنا







حملة القضاء علي العمال والمعاونين البيطريين وادعياء المهنه



حملة سنقوم بها للقضاء علي مايسمي بأدعياء مهنة الطب البيطري


وهم العمال البيطرين في الوحدات البيطرية والمجازر والمديرية والادارة البيطرية




وايضا المعاونين البيطريين


كلمة القضاء عليهم هنا تقصد ((اقصد منها ان نجد الطرق لمنعهم من العمل او ممارسة مهنةغاليه ثمينة مثل مهنتنا ولا نعطي شرف من يعمل بها لأي شخص مهما كان))


هانتكلم مع بعض عن بعض النقاط السريعه



عشان منطولش في الكلام

هانتكلم أولا : من هم ادعياء المهنه



ثانيا -- ايه اللي دخل الناس دي المهنه وخلت كل واحد يعملي فيها دكتور؟؟


ثالثا - هانتكلم عن الهدف من الحملة

ثالثا- خطر ادعياء المهنه

رابعا- بعض المواقف التي تصدر منهم داائما

خامسا-بعض الحلول المقترحه للقضاء علي مثل هذه الظاهره
ودوري ودورك ودور الاداره والمديرية والوزارة



أولا من هم أدعياء مهنتنا الغالية ؟؟


شوف ياسيدي .. اللفظ ده بيطلق علي عم خليل وعم ابراهيم وعم اسماعيل وعم عبد الرحيم

اللي شغالين في الوحده البيطرية او شغالين في السلخانه او المجزر بتاع المنقطه

وبقاله يجي عشرن سنه في الوحده واتعلم شوية ادوية وبيطلع يلف في البلد ويعالج حالات ..

والحالات دي ياتخف يامتخفش
لكن هو فلاح عادي خالص لكن عاملي فيها دكتور بيطري








وهو برده الاستاذ حمدي والاستاذ عبد التواب
وده المعاون البيطري اللي قاعد في مكتب الدكتور بتاع الوحده

واتعلم يحقن حيوانات واتعلم شوية اسماء ادوية

وبيطلع يلف علي الحالات ويديها حقن وياتخف او متخفش











ثانيا -- ايه اللي عمل الناس دي كده وخلي ك واحد يعملي فيها دكتور بيطري


شوف ياسيدي الفاضل

المشكله دي من قديم الازل وموجوده من زمان جدا

والاسباب الرئيسيه تتلخص في

1-الدكتور البيطري اللي شغال في الوحده
يعني الدكتور بيجيله العامل ده طازة ميعرفش حاجه

يقوم الدكتور الناصح يعلمه يدي حقن ويعلمه اسماء ادوية

ولو حصل كذا تدي كذا
ولو فيه سخنيه تدي كذا

ولو فيه اسهال تدي كذا

وكلها سنتين والعامل ده اتخرج خلاص واخد بكالريوس وماجستير في

الطب البيطري وبيحضر الدكتوراه دلوقتي علي حيوانات الناس

ويشتريله شوية ادوية مضروبة ويطلع يلف علي الناس
ويلف في البلد بقي بينادي ::


ياناس معايا جرعة ديدان بخمسه جنيه

جرعة تسمين عشره جنيه

جرعة للاسهال عشره جنيه
واهو العمليه ماشيه




الله الله وهم دول الدكاتره البيطريين وماشاء الله عليهم وهم السبب الرئيسي في انتشاريتهم

__________________________

اما السبب الثاني فهو الطرف الثاني في منظومة الطب البيطري

وهو الفلاح ... الفلاح المصري البسيط اللي مش عارف يحافظ علي بهايمه اذاي

واهو يجيب عم عبد الرحيم ابو خمسه جنيه احسن من الدكتور أحمد ابو عشرين جنيه

واهو اهم حاجه البهيمه بتاعته تخف وخلاص

والفلاح برده بيجيب عم عبد الرحيم ..لأن عم عبد الرحيم ده يبقي متجوز مرات عمه
ويبقي نسيبه

وابن عم عبد الرحيم هايتجوز البت بنت عم عبد الله اللي شغال في المرور

يعني بيدخل امور عائليه في الموضوع


وادي فلاح تاني يقولك اصل عم سليمان التمرجي ده ايده مبروكه وفيها البركه

وادي فلاح تالت يقولك اصل البهايم اخدت علي ايد عم خليل
والبهايم مبتخفش الا لما اجيب عم خليل


ودول كانو السببين الرئيسين في انتشار مثل هذه الظاهره
وهم الطبيب البيطري -- والفلاح او صاحب الحاله

_________________


ثالثا -- الهدف من الموضوع والقيام بالحملة :

لقد ترددت طويلا في الكتابة في هذا الموضوع المهم جدا

ولكن الان وبعد ان اصبحت الثروة الحيوانية في خطر


نعم في خطر والخطر يزداد كل يوم


خطر ... خطر ايه ياعم محسن مفيش خطر ولا حاجه..!!!

لأ ياعم الحج هاقولك الخطر احنا عايشينه اذاي

((الخطر هو الغلاء الرهيب الذي نعيش فيه..حتي وصل سعر كيلو اللحم في مصر الي 55 جنيه و 60 جنيه في بعض المناطق))

ولماذا ؟؟؟ الاجابة بكل بساطه لعدم وجود وفرة من الحيوانات المذبوحه

للنقص الرهيب الذي حدث في اعداد الحيوانات الصالحه للأكل

والنقص الرهيب للحيوانات جه بسبب ازدياد حالات النفوق في الحيوانات

اوازدياد الأمراض في الحيوانات وانتشار امراض

تجعل الحيوان غير صالح للذبح او كمية الذبيحه التي سيتم عدمها ورميها بسبب المرض تكون كبيره جدا


يعني مثال بسيط ((مصر خسرت 24 مليار جنيه من سنة 2006 الي سنة 2010 بسبب الحمي القلاعية))

ده بسبب مرض واحد شوف خسرنا اد ايه

والخساره دي بسبب عدم الاهتمام بالحيوانات وتوفير الرعاية البيطرية السليمة

وتقديم الحيوان المريض الي عامل بيطري لايفقه شئ في البيطرة

وكان العمال البيطريين سبب في موت وخساره الالاف من الحيوانات

ولما العامل يقف ادام حاله مش عارف يعالجها يقول لصاحب الحاله بكل

بساطه انا مش دكتور روح ياحج هاتلها دكتور

وطبعا الدكتور يجي في الاخر وهي مش هاتخف وتلبس في الدكتور والناس تقول

الدكتور فلان معرفش يعالج الحاله وماتت منه وده دكتور مش كويس و كيت وكيتوكييت

ده كان السبب الأول في القضاء علي مثل هؤلاء البشر وهو

الخوف علي الثروة الحيوانيه اللي اتدمرت بسبب الناس دي


تاني حاجه استدعتني لعمل الموضوع وهي ::

الكلام الصعب جدا والوحش جدا اللي العمال بيقولوه علي الدكاتره

يعني تلاقي العامل من دول يقول علي الدكتور بالحرف الواحد

دكتور مين ده ياعم -- ده مبيعرفش حاجه -- ده ايام
ماكان الدكتور ده في الكليه جه الوحده البيطرة وانا علمته يدي حقن ويحقن
الحيوان--

ده دكتوربيموت البهايم ياعم -- ده دكتور معندوش خبره وانا خبير عنه ..---


ويقعدوا يتكلموا عن الدكاتره كلام وحش جدااااااااااااا

عشان يعمل لنفسه سوق عند الفلاحين ويحاول يضرب في الدكتور التاني ظنا منه انه ممكن ياخد رزق الدكتور ده وهو لا يعلم ان

وفي السماء رزقكم وما توعدون

تالت سبب للقيام بالحمله دي
ان الراجل ده طبعا مش معاه علاجات كفايه
او بيستعمل اردئ أنواع الادوية

اللي هي USP او بيسموها


Under Selem Production


يعني ادوية تحت السلم


ودي رخيصه جدا طبعا

وطبعا الفلاح بيسترخص ويوقولك انا ليه اجيب الدكتورياخد خمسين جنيه ليه
لما ممكن اجيب عم عبد الرحيم ياخد 10 جنيه

يعني ممكن تأثر علي الدكتور وشغله في منطقته

ولكن في الأول والأخر الارزاق بيد الله
وكل واحد رزقه مقسوم ومكتوب




اااااااااااه تعبت من الكتابه والوحي البيطري الي نازل يرف علي دماغي هههههههههه

_____________

المهم ننتقل الي رابعا

رابعا .. بعض المواقف اللي شفتها بعيني وبتحصل معانا
وياريت كل واحد يرد ع الموضوع يقول بعض المواقف اللي حصلت
معاه


وطبعا المواقف كتير جدا بس انا مش هاذكر مواقف كتيره لأني لسه جديد في المهنه
لكن الدكاتره الكبار يزكرولنا مواقف اكثر



والمواقف اللي هاقوها دي كلها حقيقيه

شوف ياسيدي ....



ده عم خليل شغال في الوحده البيطرية
وبيسموة خليل برينيل

اه والله ... وعم خليل برينيل ده لأنه كل لما يروح لحاله سخنه
يديها برينيل
طبعا زمان خالص انا سمعت من ناس ان عم خليل كان بيدي البرينيل في الوريد
ولما ماتت منه وسال عرف انه عضلمش وريد ههههههههههههههه

وياسلام بقي لو عجل صغير لسه مولود يعني من شهر ولا شهرين
واداله برينيل ..... العجل ممكن يتوكل علي الله علي طول

وحالات كتير جدا نروح لحالات ورا عم خليل برينيل
وتكون بتموت لأن عندها حساسيه للبرينيل ده

وموقف كمان حصل معايا شخصيا مع الحج سمسم

كانت حالة جاموسه باركه خالص ونايمه ع الارض قبل ماتولد بعشر ايام
وكمان حصلها خروج للمهبل vaginal prolapse


المهم صاحبك راحلها العصر كده وادااها 15 سم فيتا جيكت وقالهم هاتبقي كويسه ومشي

الحاله ازدادت سوووووووء
ولما رحتلها دخلت المهبل وظبطه لكن كانت بركت خالص وبتحزق وتعبانه

وبنعلقلها كالسيوم وحاجات لكن هي في الضياع
وكان باقيلها اسبوع وتولد

لكن مفيش اي تحسن خاالص
جه عم خليل لقاني واقف جنبها معلقلها محلول

يقوم يقول للراجل خلي الدكتور ده يتصرف وينزل العجل

نعم نعم بتقول ايه ياعم انت ؟؟

قالي اه اتصرف مش انت اللي دكتور
لكن انا ياخويا مش دكتور


انا الصراحه بقيت واقف متنح واتحرق دمي جدااااااااا
وبقيت عاوز اقوله لما انت يا ابن ال ...... مش دكتور بتعك في بهايم الناس ليه


ده عم خليل برينيل


_________


نروح لعم شوقي بقي ..

وعم
شوقي كان شغال في البلديه وبعدين راح اشتغل في الوحده البيطرية

وزمان لما كنت في اولي بيطري وكان عم
شوقي يروح يعالج حالات عند أخوالي

طبعا عم
شوقي كل الناس بتقوله يادكتورشوقي

المهم هو يقولي شوف يامحسن يابني
انت في اولي بيطري ولازم اقولك علي شوية حاجات تنفعك

(((((ههههههههههههه -- عاملي فيها رئيس قسم الباطنه جامعة واشنطن))


قول ياعم
شوقي منك نستفيد
شوف يابني انت تروح لحاله سخنيه تديها نوفاسيد
ولو رحت لحاله اسهال تديها سلفادينيميت

سلفا ايه ياعم
شوقي .. يابني سلفا دينميت

الله اكبر السلفا ديميدين بقت سلفا ديناميت
ههههههههه

هو بينطقها كده

وطبعا عم
شوقي ذي باقي العمال مش شايل في شنطته الا الفور شوتس

four shots

نعم نعم .. ايه هي الفور شوتس دي يامحسن

دي ياعم الحج اربع ادوية بيعالج بيهم

وده علي لسانهم هم

البان تراميسين كمضاد حيوي
الانالجين او نوفاسيد مخافض حراره

الديكساميثازون عشان لو عندها التهاب
ونوع ايفوماك بقي للديدان
وطبعا معاه ترمومتر


وافتكر حاله برده كان عم
شوقي بيروحلها
كانت حمي 3 ايام
ومش عارف يعمل معاها حاجه
المهم رحت الصبح علقتلها محاليل واديت ديكلوفين وانرو وفيتامينات وبتاع

ورحت العصر لقيت الحراره 38.5 يعني تمام

بعد مامشيت انا هو جه للحاله واتخنق بقي انهم جابو دكتور غيره

وقالهم هاقسلكو الحراره بتاع البقره دي

ماشي قيس ياعم
شوقي
قالهم يانهار ابيض دي الحراره 42

نعم نعم .. ده لسه د. محسن قايلنا 38.5
لألأ دي 42 اهي

المهم هم نادوني
ورحت قست الحراره لقيتها فعلا 38.5

قلتلهم بقي يا اما عم
شوقي مبيعرفش يقرا الترمومتو
ويا اما بيضحك عليكو ويكدب

وخليت واحد من عندهم يتاكد انها 38.5 فعلا من الترمومتر



ونروح لعم عبد النبي

وده بقي يقولي انا اللي علمت كل الدكاتره الموجودين
علمتهم ايام ماكانو بيجو تدريب في الوحده البيطرية

انا اللي علمتهم الطب البيطري وبعد مايكبرو يبقوا دكاتره بيتنططوا علينا بقي ويعملوا فيها دكاتره بعد مايتخرجوا

لأ بجد حالتك تقطع القلب يام عبد النبي

وادي عم سعيد وعم خالد وعم خالد وعم سعد وعم فريد



والمواقف كتيره جدااااااااااااااااااااااااااااااااااا

لكن مش عاوز اطول اكتر من كده

------------------------------------


نروح بقي لخامسا
وهو الحلول ودور كل واحد فينا للقضاء علي اساتذة الطب البيطري دول وما يجب علينا القيام به تجاههم



اولا ياجماعه لازم كل دكتور فينا يعرف ان العامل ده بيعتبر الدكتور البيطري عدو له .. ونفسه يتخلص منه

والعامل ايضا بيكره الدكتور وعاوز يقتله لو تمكن من كده

يعني لا تتوقع من العامل نيه حسنه تجاهك ابدا ولا تحسن الظن فيه ابدااااااااا

وللاسف بقي بنشوف الدكاتره البيطريين بيعاملوهم كأنهم اخواتهم او تلامذتهم
وبيعلموهم كل حاجه ويفهموهم كل شئ عن البيطري

ويوم ماتيجي حاله للعامل مش عارفها بيطلع يجري يتصل علي الدكتور

يقوله اتصرف اذاي

وطبعا الدكتور بينقذه

يبقي احنا لو منعنا العامل ده انه يعرف المعلومه

مش هايعرف يعالج وبالتالي حاله ورا التانيه مش هاتخف
والفلاح يفقد الثقه فيه


ايه يامحسن الشر ده كله حرام عليك

لأ ياعم الحج مش حرام عليا


قلتلك العامل نفسه يتغدا بيك ولو متغداش بيك نفسه يتعشا بيك برده
وعاوزك تبطل انت المهنه دي

فلازم تحاربه ذي مابيحاربك

يبقي اول حاجه لازم تيجي من الدكاتره البيطريين في الوحدات
والمجازر وفي الاداره البيطرية وكمان في المديريه

لازم الدكتور يعالج الحاله بنفسه ويتعامل معاها هو

والعامل ماعليه الا انه مساعد يعني يعمل كنترول علي الحيوان
او يروح يربط الحيوان في الزناقه او غيره

وبلاش تقول للعامل علي سر مهنتك يادكتووووووووووووووووور


ايضا الدكاتره البيطريين اللي فاتحين صيدليات بيطرية او مراكز لبيع الادوية البيطرية

يعني لو فيها رخامه ياريت لو عامل جالك عاوز ادوية
ياريت متديهوش

لأنه بيجي يتودد ليك ويطلب منك دوا ويروح من وراك يسب ويلعن فيك

وخلي بالك برده ان الارزاق بيد الله سبحانه وتعالي

ثالثا

دي ايضا موجهه للدكاتره في الوحدات البيطرية

لأن الفلاح بياخد البقره الوحده والدكتور يديها جرعه

ويقول للراجل صاحب الحاله ان عم خليل هايجيلك يكملك باقي العلاج لمدة 4 ايام

وطبعا الفلاح يقولك ماهو عم خليل بيعالج اهو
يبقي اجيبه من الأول وبلاش الدكتور

شفت يادكتور عملت ايه في نفسك


رابعــــــــــــــــــــا

رابعا دي بقي اهم نقطه
الفلااااااااااااااااااااح نفسه


ايوة الفلاح .. ماهو الفلاح لو مطلبش عم عبد الخالق التمرجي
فعم عبد الخالق مش هايروح وهايبطل المهنه دي

وذي ماقلت ان العلاقات العائليه والروابط الاسرية ليها دور رئيسي في ان الفلاح يطلب عم التمرجي ده



يعني تلاقي التمرجي بيروح لابن خاله وابن عمة امه وابن عم سيد القهوجي اللي متجوز البت حمدية بتاع الطماطم


يعني العمليه داخله في بعضها

لكن عاوز اقول للفلاح ده كلمه مهمه
والفلاح ده يبقي خالي وعمي وجدي وابن عم ابويا

وعاوز اقوله ان سعر الجاموسة النهارده وصل لعشرين الف
والعجل البقر بقي ب 15 وب 18 الف


حرام تسلم عشرين الف جنيه لواحد مبيعرفش يقرا ولا يكتب
يادوب بس بيدي حقن

بلاش تسلم كل راس مالك لواحد ممكن يضيعك ويوديك في داهيه


وفي الاخر يقولك لامؤاخذه ياحج اصل انا مش دكتور



وساعتها لما حيوانك يحصله حاجه او يموت

مش هاتقدر تعمله حاجه وهاتلوم نفسك وتقول انا الغلطان اني مشيت ورا الناس دي

وانا ندمان اني مجبتش دكتور من الأول



ياراجل وليه يعني كده الندم

ده انت هاتجيب الدكتور يراعي حالتك ويفهمك انت غلطت في ايه

ويقولك وينصحك علي الصح واللي المفروض تعمله عشان تقي نفسك وحيواناتك


شايف الدكتور ده بيهتم بالحاله اذاي وبيقدملها الأكل بنفسه









والدكتورة دي تخصص قطط وكلاب وبغبغانات












فدلوقتي كل واحد بقي ادري بمصلحته فين ومع مين
وكل واحد يخلي باله من حيواناته



طب ياسي محسن انت قاعد تتكلم وصدعتنا وعاملي فيها فيتريناري دوت كوم

قولي دورك انت ايه ياحج محسن؟؟؟؟؟؟؟

اقولك ياسيدي .. انا ان شاء الله شخصيا لن اسكت

وسارسل ايميلات وفاكسات الي وزارة الزراعه المصرية
انا ومجموعه من الزملاء

والحمد لله ان الدكتور أحمد فرحات نقيب الاطباء من بلدنا

وبيني وبينه حوالي عشر دقايق مشي
هانروحله ونتكلم معاه


واللي عاوز يرسل رسائل او يتكلم مع المسئولين ياريت يعمل كده وبسرعه


انا برده دايما بنصح الفلاحين واصحاب الحالات
وبنبتدي نخلق جيل من الفلاحين له تفكير متحضر شوية بخصوص الاهتمام بحالاته


واللي ربنا بيقدرنا عليه نعمله

الحقيقه الموضوع كبيــــــــــــــــــــر
وعاوز لسه الكتير

ياريت كل واحد يذكر لنا المواقف اللي شافها من العمال دول

وياريت كل واحد يقولنا الحلول المقترحه من وجهة نظره
واذاي نقدر نقاوم العمال دول


ومعلش صدعتكو معايا لكن ده هم وهم تقيل اوي


عاوزين نرقي بالثروة الحيوانيه المصرية والعربيه



ومش هانرقي بيها الا لما نرقي بالطب البيطري
ونبقي ذي بعض الدول الاجنبيه


اللي اصبحت الثروة الحيوانية هي اساس الاقتصاد بتاعها
ودول كتير تقدمت بسبب الثروة الحيوانية


وياريت لانعطي الفرصه للناس دي بالظهور تاني

لأنهم معظمهم دفعة السبعينات والتمانينات وقربوا ينقرضوا

بكن مش عاوزينهم يظهروا تاني بقي

عشان لو سيبناها مفتوحه ع البحري ممكن يجي اليوم اللي نلاقي فيه

البقره عامله فيها دكتور وبتروح تعالج زمايلها البقر ههههههه











عذرا علي الاطاله ......
والسلام عليكم ورحمة الله وبركاتة









__________________

د.محسن كرم عبد المحسن

(المنوفية -منوف- ف.ك)

خريج كلية الطب البيطري
جامعة
بني سويف ..دفعة 2010

mira.kareem
عضو سوبر
عضو سوبر

عدد المساهمات : 1330
تاريخ التسجيل : 24/10/2010
العمر : 32
الموقع : www.facebook.com

الرجوع الى أعلى الصفحة اذهب الى الأسفل

مشكوووووووووووور رد: حملة القضاء علي العمال والمعاونين البيطريين وادعياء المهنه

مُساهمة من طرف د علاء عكاشة في الخميس يناير 13, 2011 8:47 pm



">ماشاء الله دفعة 2010
اسلوبك شيق و جميل و ممتع يا دكتور محسن

وبتناقش قضية هامة بتمس كل الاطباء البيطريين العاملين في الفيلد
مشكوووووووور علي هذا الاسلوب في تناول المشكلة و طريقة تفنيدك للمشكلة و عرض النمازج و اسلوب الحل احييك مرة اخري

وادلو بدلوي في هذا الموضوع

اولا وعلي ما اعتقد ان سبب ظهور مثل هؤلاء المتطفلين علي المهنة هم الاطباء انفسهم
لان عم خليل له معارف كتير في بلده يبقي لازم اكسبه في صفي كي يحضر الحالات لي وكي لا يذهب بالحالات للدكتور متولي فسوف اعطيه نسبة اكبر كي اكسبه في صفي بالاغراءات المادية مما جعل كل طبيب يتودد لعم خليل كي يكسبه اي الصراع بين الاطباء انفسهم وعدم الايمان بأن الارزاق بيد الله تعالي احد الاسباب الاساسية


مازال بعض الاطباء يستخدمون اساليب في العلالج بدائية جدا سهل جدا علي عم خليل استخدامها
فالطبيب الذي عنده ترمس للتلقيح الصناعي و عنده جهاز كشف المعادن في كرش الحيوان و الطبيب الذي عنده جهاز سونار او عنده معمل تحاليل و...و .... وغيرها ادوات حديثه تساعد الطبيب في التشخيص الدقيق الذي يمكنة من تشخيص المرض و اعطاء العلاجات السليمة

اما وجود ثلاث او اربع زجاجات ملونه في شنطة الطبيب يعطي منها لكل حالة خلي عم خليل يعتقد ان هذه الزجاجات الاربع هم كل الطب البيطري

قد تقول و من هو الطبيب الذي يستطيع ان يشتري كل هذه الامكانيات و هو حديث التخرج او حتي هو من قدامي الخريجين
اقترح اما تعاون مجموعه من الاطباء في امتلاك مثل هذه الادوات و انشاء كيان كبير لعلاج الثروة الحيوانية في المنطقه كلها او ظهور عيادات تقوم بتوفير تلك الخدمه و وتأجيرها لباقي الزملاء وهذا بالطبع للذين يمتلكون رأس مال كبير و يستطيعون شراء و توفير تلك الاشياء لانفسهم و تأجيرها لمن يحتاجها من باقي الزملاء

اي لابد من تطوير اسلوب العلاج و الكشف
لان الحيوان كما قلت حضرتك اصبح بعشرين الف جنية و تربية الحيوان عملية اقتصادية و كما يقول المثل الفلاحي(( مال يحي مال )) يعني لما يصرف علي الحيوان 200 او 300 او 500 جنية في سبيل ان يحصل علي خدمة جيدة و مضمونه بأذن الله يبقي مش كتير

هناك كلام آخر كثير ممكن يتقال
لكن لا احب ان اطيل اكثر من ذلك

اكرر شكري لك يا دكتور محسن
صحيح البركة بالشباب
تقبل تحياتي

د علاء عكاشة
عضو اساسي
عضو اساسي

عدد المساهمات : 1008
تاريخ التسجيل : 22/10/2010

الرجوع الى أعلى الصفحة اذهب الى الأسفل

مشكوووووووووووور رد: حملة القضاء علي العمال والمعاونين البيطريين وادعياء المهنه

مُساهمة من طرف dr.vet2006 في الجمعة يناير 14, 2011 5:53 am

بسم الله ماشاء الله
بارك الله فيك د/محسن كرم
فانت لاتخفى علينا فكل من يتابع منتديات الطب البيطرى يعرف من هو د/محسن كرم صاحب تفنيد لموسوعات بيطريه بوربوينت وقدم الكثير والكثير الذى استفدت منه انا شخصيا وزملاء كثر
والموضوع بجد رااااائع وطريقة العرض اروع
ربنا يبارك فيك ويكثر من امثالك لهذه المهنه
اما عن موضوع التمرجيه البيطريين فالسبب راجع للاطباء فعلا منهم من يتعاطف مع العامل ويقول دا عنده اولاد وظروفه على قد حاله واهو يتعلم حاجه يسترزق منها وفجاه تلاقى اللى اتعلم وكانت ظروفه ضنك فجاه تلاقيه فرعون والعياذ بالله عمال يخبط فى الدكتور اللى علمه وبيجح فى وشه امام الفلاحين وانا بعرف احسن منك ودا والله حصل امام عينى فى بلدى مع طبيب محترم جدا علم تمرجى كل حاجه فى المهنه
الغسيل والجس وتركيب كل العلاجات وعلمه ايه افضل الادويه ومتى يعطيها لدرجة لما احتكيت بهذا العامل وجدته يحمل فينادين وبيكاهيبار وادويه غاليه جدا ومعاه نوته وشغال على الموسم والصراحه مبوظ علينا الشغل وماحدش عارف ياخد معاه حق ولا باطل
ولكن انا لما بدات اشتغل تنحيت عنه ولم احتك به لو رحت وراه فى حاله لا اتحدث عنه بشئ بل القلى اللوم على الفلاح واخد حقى واعالج باحسن الادويه وبجيب من الاخر ومع مرور الايام بفضل الله استحوذت على نسبه عاليه من الشغل لم اشغل بالى به مطلقا والناس تتكلم وتقول دا مالوش حل دا بيعمل ويخلى وانا فى صمت الى ان تثبت واصبحت مسيطر على معظم الشغل فى منطقتى
لازم برده يكون هناك فرق اثناء التعامل مع الفلاح
سرنجاتك ادويتك مظهرك طريقة تشخيصك واقناعك للفلاح عن وضع مرض الحيوان ولا تلقى كلام دارج زى التمرجيه لابد ان تقنع الفلاح بوضع الحيوان والعلاج هيكون بالطريقه الفلانيه والفلاح اصبح واعى وبيميز برضه مش بسيط للدرجه اللى هيه
وعلى فكره المواقف لو ذكرت محتاجه كتب انا لما حبيت اتعلم وانا فى تانيه كليه تعمدت ان اخدكل حاجه من طبيب الوحده اللى كنت بتدرب فيها وحقيقة حضرته ساعدنى فى كده وكان كل حاجه هوه اللى بيعلمها لنا وده نفعنا كتير مافيش تمرجى معاه قدر يرفع وشه فينا وديت نصيحه لكل من هو خريج جديد ويريد العمل بالفيلد لاتاخذ علمك الا من طبيب
الكلام كتير ولنا عوده ان قدر الله لنا اللقاء

dr.vet2006
عضو نشيط
عضو نشيط

عدد المساهمات : 86
تاريخ التسجيل : 03/12/2010

الرجوع الى أعلى الصفحة اذهب الى الأسفل

مشكوووووووووووور رد: حملة القضاء علي العمال والمعاونين البيطريين وادعياء المهنه

مُساهمة من طرف mira.kareem في الجمعة يناير 14, 2011 12:00 pm

@dr.vet2006 كتب:بسم الله ماشاء الله

ولكن انا لما بدات اشتغل تنحيت عنه ولم احتك به لو رحت وراه فى حاله لا اتحدث عنه بشئ بل القلى اللوم على الفلاح واخد حقى واعالج باحسن الادويه وبجيب من الاخر ومع مرور الايام بفضل الله استحوذت على نسبه عاليه من الشغل لم اشغل بالى به مطلقا والناس تتكلم وتقول دا مالوش حل دا بيعمل ويخلى وانا فى صمت الى ان تثبت واصبحت مسيطر على معظم الشغل فى منطقتى
لازم برده يكون هناك فرق اثناء التعامل مع الفلاح
سرنجاتك ادويتك مظهرك طريقة تشخيصك واقناعك للفلاح عن وضع مرض الحيوان ولا تلقى كلام دارج زى التمرجيه لابد ان تقنع الفلاح بوضع الحيوان والعلاج هيكون بالطريقه الفلانيه والفلاح اصبح واعى وبيميز برضه مش بسيط للدرجه اللى هيه
وعلى فكره المواقف لو ذكرت محتاجه كتب انا لما حبيت اتعلم وانا فى تانيه كليه تعمدت ان اخدكل حاجه من طبيب الوحده اللى كنت بتدرب فيها وحقيقة حضرته ساعدنى فى كده وكان كل حاجه هوه اللى بيعلمها لنا وده نفعنا كتير مافيش تمرجى معاه قدر يرفع وشه فينا وديت نصيحه لكل من هو خريج جديد ويريد العمل بالفيلد لاتاخذ علمك الا من طبيب
الكلام كتير ولنا عوده ان قدر الله لنا اللقاء
فى البدايه اشكر د/محسن على جراته فى طرح الموضوع وعلى الحمله اللى بداها بنفسه ورغم انه خريج 2010 الا انه ذو عقليه ناضجه وروح طموحه
الموضوع فعلا مهم جدا وقد واجهت مواقف كثيره يطول سردها وقد قام د/محسن بعرض معظمها بطريقه رائعه
اقتبست من الزميل د/فيت كيف انه حتى فى فتره تدريبه استعان بالدكتور نفسه وليس بالمعاون او العامل لتعليمه وهى نقطه مهمه جدا احييه عليها
المفروض على الطبيب البيطرى ان يبدا بنفسه فى منطقته بفرض سيطرته عليها سيطره كامله بعمله ونصح الفلاح بان ياخذباله من ثروته عن طريق الاستعانه بنا نحن الاطباء للمحافظه عليها ليس فقط فى الوقت الحاضر ولكن ايضا للمستقبل
كما يجب على ان يكون هناك قانونا لمحاسبه المتشبثين بالمهنه غير الاطباء البيطرين كما هناك قانونا يعاقب غير الاطباء البشريين من معالجه الناس
-يجب ايضا على المسئولين عن الارشاد من رائدات او اطباء او غيرهم ان يزيدوا من وعى الفلاح بما يستطيع الطبيب البيطرى ان يقدمه وعمل كتيبات لاخطاء الدخلاء على المهنه وعرضها علنا للجميع ليتعظوا منها وان تكون هذه الروايات حسب كل منطقه ومن فيها .
-الطبيب البيطرى يجب ان يكون حريصا على نفسه وعلى عمله وعليه الا يطلع احدا غيره على اسرار مهنته والاحتفاظ بحدود فاصله بينه وبين العامل او المعاون
-يجب ان نتمسك بالحمله ليس فقط اليوم وغدا ولكن كل يوم..
وساحرص ان ابلغكم بتعليقات الاطباء الاخرين من مختلف الجمهوريه على هذه الحمله اولا باول وشكرا للدكتور الفاضل د/محسن

mira.kareem
عضو سوبر
عضو سوبر

عدد المساهمات : 1330
تاريخ التسجيل : 24/10/2010
العمر : 32
الموقع : www.facebook.com

الرجوع الى أعلى الصفحة اذهب الى الأسفل

مشكوووووووووووور اراء الاطباء الاخرون من مختلف انحاء الجمهوريه

مُساهمة من طرف mira.kareem في الإثنين يناير 17, 2011 9:32 am

د/طه
بصراحة جهد كبير وتعب كتير.ربنا يقدرك على تحقيق هدفك.وان شاء الله نحن على الدرب سائرون
انا مشفتش حالات لحد الان لاني لسة بدرس لكن طبقت في مستشفى بيطري لمدة شهر
كانت لما الحالة تجي يكشف عليها الدكتور ويقول للownerيجي للمستشفى مرة
ثانية علشان الدكتور يكمل العلاج.ولو لقاح كان الدكتور يروح مع
الownerللحقل تبعه علشان يلقح القطيع.هذا اللي انا شفته بس اكيد الحالات
اللي حضرتك وضحتها موجودة في غير مكان.شكرا لحضرتك على المجهود والتعب اللي
في صالحنا وخدمة لوظيفتنا ورسالتنا في الحياة








__________________
د/ابو الليث
بسم الله الرحمن الرحيم
شكرا يا دكتور محسن على الموضوع الرائع وهو من المواضيع المهمه جدا ..
ولو كنت اريد ان اكتب عن حالات عن المعاونين البيطرين يمكن احتاج الى مجلد كامل للكتابه عن هذه الاشياء .
ولكن بما اننا عرفنا ضررهم وما هم عليه فيجب ان يتم التعرض لهم بالقانون وبكل الدول العربيه ويوجد عدة امور يجب ان نفهمها .
1- الحكومات لا تقدر دور الطبيب البيطري العربي وهي على علم كامل بما يحدث من هؤلاء الدخلاء على مهنتنا ويلتزمون الصمت .
2- كل شخص يكره الطبيب البيطري ومهما كانت مكانته او مقداره فهر يشعر
بالنقص من شهادة الطب التي نحملها ولم ولن يستطيع الوصول اليها ... واذا
وصلها فهو مننا وسيكون اول المدافعين عن مهنتنا .
3-الكل يعرف جهل المزارع بهذه الامور وما يهم المزارع هو ان يعطيه اي شخص اي علاج ويشفى حيوانه .
4- النتيجه تكون دائما للعمل الجماعي واتحاد الاطباء مع بعض .
5-لقد قاومت هذه الظاهره في منطقتي ولقد اتت بنتيجه ولكن بعد سنوات عديده
ولو فعل باقي الاطباء في منطقتي مثلي لاختفت هذه الظاهره ... وكنت استهزء
بأي شخص من هؤلاء عندما يدور النقاش بيننا وبعد دقيقتين يفهم هذا الدخيل
على مهنتنا بانه انسان صغير في نظري وفي نظر المزارع الذي يكون موجود معه .
6- المهم النتيجه في النهايه ...
فاقترح ان يكون سقف المطالب قليل في البدايه مثل وضع شعار لكل طبيب معالج
وموثق مثل هويه او كارت يثبت بأن الذي يعالج هو طبيب بيطري يحمل شهادة الطب
البيطري .
والمطلب الذي يليه يكون بمخالفة اي شخص يعالج بدون ان يحمل هذا الشعار او
الهويه او الكارت بالتعاون مع النقابه وتشكيل لجنه تخالف كل من يعالج ويشخص
بدون ان يحمل الهويه .

اذا وافقت حكوماتنا على هذا المطلب فسيتم القضاء على هذه الظاهره خلال سنه او سنتين .

واقبلوا مروري يا دكتور محسن ... فهذا موضوع يجب ان اكون من اول المشاركين
فيه بسبب اهميته على قطاع الثروه الحيوانيه والتخلص من هؤلاء الدخلاء هو
واجب الجميع .
اخوكم
د.ابو الليث
د/عادل عطا الله
ولكن اين الدولة يا دكتور والنقابة يبقي ولا مرتبات ولا كشوفات لنا الله














رد د/ محسن عليه
حضرتك اتكلمت عن نقطه خطيرة

الدولة ... الدولة دي بتتمثل في الحكومه ثم وثم وثم

الي مفتش الوحده البيطريه



انا بعيني دي بشوف دكاتره الوحده بيدوا فرصه للعمال علي حساب دكاتره تانيين


يعني المشكله في الاول وفي الاخر في الطبيب البيطري نفسه

مش هاقولك نعمل اعتصام او اعتراض او الحاجات دي





مع ان كل فئات الشعب تقريبا عملت اعتصامات علي شغلها ومرتباتهم

لكن صعب الاطباء البيطريين يتفقوا علي كلمة واحده ابدااااااااااا

وكل دكتور دلوقتي بقي همه اذاي يضرب في الدكتور التاني زميلة
ويفضل العامل عليه او التمرجي


د/محمد عبد الرسول
بصراحه الدكتور محسن دايما بتكلم في مواضيع مهمه و خطيره في نفس الوقت و فعلا العمال و أدعياء المهنه بقوا خطر كبير جدا
العمال دلوقتي بقوا عارفين معظم أسماء الادويه لدرجة ان
واحد عامل بعتلي فلاح بروشته فيها ميتاكام
أما عن المواقف فحدث و لا حرج
من يومين جاتلي روشته من عامل برضه و كان محتاج 6 سم اميزول فأنا سألت صاحب الحاله عايز الدوا ده ليه
قاللي العجله فيها حبوب و سخنه
قلت له مين الدكتور اللي كتب الروشته قاللي ده عم مبروك
طبعا انا استغربت و قعدت الوم في الراجل و قلت له ليه ما جبتش دكتور ده مرض جامد و ممكن يموت اليهيمه قاللي أصل البهايم متعوده عليه
عموما أسف للاطاله و أتمني ان تتتحقق اهداف هذه الحمله
و مره أخري تسلم ايدك يا عم محسن
د/على نديم
موضوع خطير جدا

للاسف اري انه لن يحل الا بيد الطبيب البيطري نفسه

بمحافظته علي مهنته واهتمامه بها

ومعاملة المساعدين البيطريين او عمال العيادة بحدود

واذكر عيادات خاصة في المدن

عيادات حيوانات اليفة

العمال فيها
يتايعون العلاج من حرعات
بل واحيانا شراء الادوية للتوصية العلاجية
التي اوصي بها الطبيب

والباقي اتصال من صاحب الحيوان
للعامل
للتحصينات و جرعات الديدان و الغسيل والرش

الطبيب البيطري لو شارك اطباء اخرين عيادته

سيكون افضل له


تقديري للدكتور / محسن
علي اثارته هذا الموضوع الحساس والهام

للرقي بالمهنة واعلاء اسم الطبيب البيطري

الاساس والاصل

عايزين الوجه والصورة دي دائما
لمحاسينو الطبيب البيطري
الغيور غلي مهنته وعمله
وصاحب الجديد والتجديد

الموفق دائما بأذن الله

د/محمود
فكرتوني بعامل بيطري كان بيقف علي باب الوحدة
البيطرية ولما تيجي حالة يقول لصاحبها روح انت وانا هاجي اديها علاج بدل
ما تكلف نفسك والدكتور يديها علاج كتير بس حظه حلو طلع معاش قبل ما اشتغل
انا في الوحدة كنت كتبت فيه شكوي علي طول
وفكرتوني برضه باستاذ جامعة كان ينصحنا دايما اننا نكتب الروشتة بالانجليزي واوعي حد فينا يعلم عامل حاجة حتي ضرب الحقنة
لكن للاسف احنا السبب احنا اللي علمناهم دا ان اعرف دكتور كاتب كشكول
باللغة العامية ملخص فيها الطب البيطري وموزعه علي الناس دخلاء المهنة حاجة
تحزن كاتب فيه تفاصيل ويعلم الناس تتعامل مع حالات الباطنة والمعدية وحتي
الولادة
اما العمال دول دا حكايتهم حكاية بيشتروا الايفوماك الرخيص ويحطوه في قزازة
ايفوماك امريكي فاضية ويبيعوا السنتي ب 4 جنيه فيه حاجات تاني الواحد مش
راضي يقولها وربك علي عبيده ستار
بس اخيرا الادارات البيطرية عملت اجتماع للمعاونين والعمال وحزرتهم من التدخل في العلاج البيطري
لذلك اناشد كل الاطباء البيطريين ما تعلمش اي حد اي حاجة حتي لو كانت ضربة
حقنة وحتي لو حب علي ايدك العامل ماتعلموش لانه اول ما هيتعلم صدقني انت
اول واحد هيضر لانه هيعمل نفسة مفتي وممكن انت تقول كلمة تلاقيه ينط وسط
الكلام ويعمل نفسة دكتور مش عارف كلامي واصل ولا لا
شكررررررررررررررا








__________________
لو لم اكن veterinarian لوددت أن أكون veterinarian












د/على احمد
بصراحة موضوع غاية فى الاهمية --- والحقيقة د- محسن وضع يدة على الجرح
وهذا ليس جديدا على الدكتور محسن انه طبيب صاعد واعد وانا اصفه بأنه فارس المنتدى
وانا فى هذا الموضوع لى راى -- وهو ان كل طبيب يبدأ بنفسة ويبذل اقصى
مافى وسعة للحفاظ على المهنة -- ونبذ الدخلاء والمددكتريين
فمثلا
1- لاتستعين بمساعد فى عملك ( no assistant )
2- احتفظ لنفسك ببعض ال drugs التى تعالج بها وهى الاصناف الغالية والفريدة والغير متداولة
حتى تكون مميزا فى عملك وغير تقليدى
3- هناك اناس يترددون على العيادات بحجة انهم يمتلكون مواشى مريضة وفى الحقيقة هم يريدون معرفة الادوية
وهؤلاء من غير العمال والمعاونين البيطريين انما هم دخلاءايضا على المهنه
وفى الحقيقة انا اكتشف مثل هؤلاء لانهم يترددون على عيادتى ولايستطيعوا
ان يحصلوا منى على معلومة بيطرية لانهم نصابين
واذا كان ولابد فأنا اعطيهم الدواء فى سرنجات فى صورة جرعات وحينما يصر على
معرفة اسم الدواء -- اعتذر واقول له انه عملى وشغلى وليس لك الحق فى ان
تتدخل فيه
4- احتفظ بكثير من الروشتات وان صح التعبير الوريقات المكتوبة بواسطة الجهلة والجهلاء - دخلاء المهنة -
ونفسى ارفعها فى المنتدى ولكن خبرتى محدودة فى اعمال الكمبيوتر -- لتشاهدوا بأنفسكم المسخرة الكبرى
مش سلفاديناميت بس دى حاجات كثيرة قوى
5-الاعتزاز بنفسك وعدم قبولك علاج الحالات بعد المتطفلين والمددكتريين -- لان هذا سوف يرفع من قدرك ويجعلك تحتل مكانة عالية
6- لاتسمح للفلاح ( صاحب الحالة ) ان يضعك فى مقارنة مع دخلاء المهنة فى جرعة الدواء - اوتشخيص الحالة
ولاتسترسل معة فى الكلام لان وزنك العلمى اكبر من ذلك
7- لاتنتظر من رئيسك فى العمل ان يتخذ اجراء ضد هؤلاء الدخلاء المتطفلين ---
8-لاتتناقش مع الاطباء زملائك فى امور المهنة امام العمال او المعاونين البيطريين
9- حاول بقدر الامكان عدم الجلوس والتحدث الكثير مع العمال والمعاونين فى مكان العمل -- لان ذلك يضيع هيبتك كطبيب
10- لا تتناقش علميا مع الزملاء امام العمال والمعاونين
11- اذا كنت مندوبا للدعاية تحرى الدقة فى انك تتحدث لاطباء بيطريين
اثناء زيارتك للوحدة البيطرية لان هناك ماهومتطفل يجلس عنوة ليستمع الى
المندوب -- واذا كان ولابد فاصطحب الطبيب الى خارج الوحدة بجوار سيارتك
وتحدث معه عن الادوية
وسوف اوافيكم ببعض النصائح الاخرى فى وقت لاحق

mira.kareem
عضو سوبر
عضو سوبر

عدد المساهمات : 1330
تاريخ التسجيل : 24/10/2010
العمر : 32
الموقع : www.facebook.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى